Vinnan framundan
Grundvöllur fyrir gerð strandsvæðisskipulags er lagður í stefnu um skipulag haf- og strandsvæða sem sett er fram í landsskipulagsstefnu.
Landsskipulagsstefna mælir fyrir um á hvaða svæðum skuli vinna strandsvæðisskipulag.
Í Þingsályktun um landsskipulagsstefnu fyrir árin 2024-2038 sem samþykkt var í maí 2024, er í eftirfarandi aðgerðum aðgerðaáætlunar kveðið á um að hafin verði vinna við strandsvæðisskipulag fyrir Eyjafjörð og Skjálfanda.
Aðgerð 8. Gerð strandsvæðisskipulags fyrir Eyjafjörð
Unnið verði strandsvæðisskipulag fyrir Eyjafjörð. Gert er ráð fyrir að skipulagssvæðið afmarkist af Siglunesi í vestri og Bjarnarfjalli í austri. Ráðherra skipi svæðisráð um gerð strandsvæðisskipulags á svæðinu í samvinnu við Skipulagsstofnun.
Aðgerð 9. Gerð strandsvæðisskipulags fyrir Skjálfandaflóa
Unnið verði strandsvæðisskipulag fyrir Skjálfandaflóa. Gert er ráð fyrir að skipulagssvæðið afmarkist af Bjarnarfjalli í vestri og Tjörnestá í austri. Ráðherra skipi svæðisráð um gerð strandsvæðisskipulags á svæðinu í samvinnu við Skipulagsstofnun.
Á þessari síðu gefst kostur á því að fylgjast með og taka þátt í þeirri vinnu þegar hún hefst. Almennar upplýsingar um strandsvæðisskipulag er að finna hér.
